Release of Fahadh Faasil's Song: ഫഹദ് ഫാസിലിന്റെ ഫാന്റസി എന്റെർടെയ്നർ ‘ഡോണ്ട് ട്രബിൾ ദ ട്രബിൾ’ ​ഗാനം പുറത്ത്

ഫഹദ് ഫാസിലിന്റെ പുതിയ ചിത്രമായ ‘ഡോണ്ട് ട്രബിൾ ദ ട്രബിൾ’ എന്ന ചിത്രത്തിലെ ഗാനം പുറത്തിറങ്ങി. ഈ ഗാനത്തിന് സംഗീതം ഒരുക്കിയത് കാലഭൈരവയാണ്, വരികൾ എഴുതിയത് കാലഭൈരവയും സർഷ്യംസും ചേർന്നാണ്. ഇരുവരും ചേർന്ന് ആലപിച്ചിരിക്കുന്ന ഈ ഗാനം, ചിത്രത്തിന്റെ ആദ്യത്തെ പ്രമോഷണൽ സോംഗ് ആയി മാറിയിട്ടുണ്ട്. ഫഹദ് ഫാസിലിനെ ഇന്ത്യയിലെ ഏറ്റവും വൈവിധ്യമാർന്ന അഭിനേതാക്കളിൽ ഒരാളായി കണക്കാക്കപ്പെടുന്നു. ‘ഡോണ്ട് ട്രബിൾ ദ ട്രബിൾ’ എന്ന ചിത്രത്തിൽ, ബാഹുബലി പോലെയുള്ള മഹാനായ ചിത്രങ്ങൾ നിർമ്മിച്ച ആർക്കാ മീഡിയ വർക്ക്സ്, പ്രശസ്ത സംവിധായകൻ എസ്. എസ്. രാജമൗലി എന്നിവരുടെ കൂട്ടായ്മയാണ്. പ്രേമലു എന്ന ചിത്രത്തിന്റെ വിജയകരമായ വിതരണത്തിലൂടെ നിർമ്മാണരംഗത്ത് ശ്രദ്ധേയമായ അരങ്ങേറ്റം കുറിച്ച എസ്. എസ്. കാർത്തികേയ, ഷോബു യാർലഗഡ്ഡ, പ്രസാദ് ദേവിനേനി എന്നിവരാണ് ഈ ചിത്രത്തിന്റെ നിർമ്മാതാക്കൾ. ഷോവിങ് ബിസിനസ്സ് ബാനറിന്റെ സഹകരണത്തോടെ ആർക്കാ മീഡിയാ വർക്ക്സും ഈ ചിത്രത്തിന്റെ നിർമ്മാണത്തിൽ പങ്കാളികളാണ്. നവാഗതനായ ശശാങ്ക് യെലേട്ടി ആണ് ഈ ചിത്രത്തിന്റെ സംവിധാനം ചെയ്യുന്നത്. ഫാന്റസിയും ഹ്യൂമറും ഹൃദയസ്പർശിയായ മുഹൂർത്തങ്ങളും ഒത്തുചേരുന്ന വ്യത്യസ്തമായ ഒരു സിനിമാനുഭവമാണ് ഈ ചിത്രം പ്രേക്ഷകർക്ക് നൽകുന്നത്. ചിത്രത്തിന്റെ ടീസർ, കൗതുകം ഉണർത്തുന്ന അവതരണവും, വ്യത്യസ്തമായ കഥാപശ്ചാത്തലവും, ഹൃദയസ്പർശിയായ മുഹൂർത്തങ്ങളും കോർത്ത് പ്രേക്ഷകരുടെ ശ്രദ്ധ പിടിച്ചുപറ്റിയിരുന്നു. ഫഹദ് ഫാസിലിന്റെ പതിവിൽ നിന്ന് വ്യത്യസ്തമായ, തമാശ നിറഞ്ഞ കഥാപാത്രാവതരണവും, ബാലതാരത്തിന്റെ മനോഹര പ്രകടനവും ടീസറിന്റെ ശ്രദ്ധേയ ഘടകങ്ങളാണ്. കാലഭൈരവ ഒരുക്കിയ പശ്ചാത്തല സംഗീതവും, ദൃശ്യങ്ങളുടെ മികവ് ഉയർത്തുന്ന മികച്ച ഛായാഗ്രഹണവും ടീസറിന് കൂടുതൽ ഭംഗി പകരുന്നു. ‘ഡോൺട്ട് ട്രബിൾ ദ ട്രബിൾ’ 2026 സെപ്റ്റംബർ 11-ന് ലോകമെമ്പാടുമുള്ള തിയേറ്ററുകളിൽ റിലീസ് ചെയ്യാൻ ഒരുങ്ങുകയാണ്. ചിത്രത്തെക്കുറിച്ചുള്ള കൂടുതൽ വിവരങ്ങൾ അണിയറ പ്രവർത്തകർ ഉടൻ പ്രഖ്യാപിക്കും. പിആർ ഓ : പ്രതീഷ് ശേഖർ.