Massive Preparations for Rahul in UP:ഉത്തർപ്രദേശിൽ രാഹുലിന് വേണ്ടി വൻ ഒരുക്കങ്ങൾ

പ്രയാഗ്രാജ്: ഉത്തർപ്രദേശിലെ പ്രയാഗ്‌രാജിൽ നടക്കുന്ന ലോക്സഭാ പ്രതിപക്ഷ നേതാവ് രാഹുൽ ഗാന്ധിയുടെ ‘ഛാത്രോം കി ഗൂഞ്ച്’ (വിദ്യാർഥികളുടെ ആരവം) പരിപാടിക്ക് വലിയ ഒരുക്കങ്ങൾ നടത്തപ്പെട്ടിരിക്കുന്നു. വിമാനത്താവളത്തിൽ എത്തിയ രാഹുലിനെ ‘രാഹുൽ ബയ്യ സിന്ദാബാദ്’ എന്ന മുദ്രാവാക്യങ്ങൾ വിളിച്ചുകൊണ്ട് അണികൾ സ്വീകരിച്ചു. കായസ്ഥ പാഠശാല ട്രസ്റ്റിന്റെ കീഴിലുള്ള കെ.പി. കോളേജ് മൈതാനത്തിൽ വൈകീട്ട് ആറുമണിക്കാണ് പരിപാടി ആരംഭിക്കുക. പരിപാടിയുടെ വേദി ആദ്യം അനുവദിച്ചെങ്കിലും പിന്നീട് റദ്ദാക്കിയതോടെ ട്രസ്റ്റ് വിവാദത്തിലായിരുന്നു. കോളേജ് മൈതാനത്തിൽ മഴ കാരണം പരിപാടി നടത്താനാവില്ലെന്നായിരുന്നു ട്രസ്റ്റിന്റെ വാദം. മഴയിൽ മൈതാനം ചെളിയിൽ കുതിർന്ന നിലയിലായിരുന്നെങ്കിലും, പ്ലാസ്റ്റിക് ഷീറ്റുകളും ഇരുമ്പുപാളികളും ഉപയോഗിച്ച് നടപ്പാത ഒരുക്കിയിട്ടുണ്ട്. രാഹുലിന് കടന്നുപോകാൻ പ്രത്യേക വഴിയൊരുക്കിയിട്ടുണ്ട്.

ഈ പരിപാടിയിൽ പങ്കെടുക്കാൻ രണ്ടുലക്ഷം വിദ്യാർഥികൾ രജിസ്റ്റർ ചെയ്തതായി കോൺഗ്രസ് നേതാക്കൾ അറിയിച്ചു. എന്നാൽ, പോലീസ് മുപ്പതിനായിരം മുതൽ നാൽപ്പതിനായിരം വിദ്യാർഥികളെ പ്രതീക്ഷിക്കുന്നതായി അറിയിച്ചു. പരിപാടിക്ക് വേണ്ടി രണ്ടുകോടിയുടെ പന്തൽ നിർമ്മിച്ചിട്ടുണ്ടെന്നും, വേദിക്ക് അനുമതി രണ്ടാമതും നിഷേധിച്ചതിനാൽ വെള്ളിയാഴ്ചയാണ് പണി ആരംഭിച്ചതെന്ന് തൊഴിലാളികൾ പറഞ്ഞു. ശനിയാഴ്ച ഉച്ചയ്ക്കും ചുറ്റുമുള്ള പണി തുടരുകയാണ്. രാഹുല വേദിയിലേക്ക് വരുമ്പോൾ പൊട്ടിക്കാൻ 10 ലക്ഷം രൂപയുടെ പടക്കം ഒരുക്കിയിട്ടുണ്ടെന്ന് യു.പി.യിലെ കോൺഗ്രസ് നേതാക്കൾ അറിയിച്ചു. രാഹുല മാത്രമാവും വേദിയിലുണ്ടാവുക, പിന്നെ വിദ്യാർഥികൾ. വിദ്യാർഥികൾക്ക് റെയിൽവേ സ്റ്റേഷനിൽനിന്നും ബസ് സ്റ്റേഷനിൽനിന്നും വരാൻ സൗജന്യ ഇ-റിക്ഷകൾ ലഭ്യമാകും. വിദ്യാർഥി തിരിച്ചറിയൽ കാർഡ് കാണിച്ചാൽ മതി.