New chapter awaits in every return:സ്വപ്‌നയുടെ പോസ്റ്റ്

മിനീസ്‌ക്രീന്‍ പ്രേക്ഷകരുടെ ഇടയിൽ ഏറെ പ്രശസ്തമായ നടിയാണ് സ്വപ്‌ന ട്രീസ. മന്ദാരം എന്ന സീരിയലിലൂടെ അഭിനയരംഗത്ത് പ്രവേശനം നേടിയ സ്വപ്‌ന, ദൂരദർശനിൽ സംപ്രേഷണം ചെയ്ത ജ്വാലയായ് സീരിയലിലൂടെ കൂടുതൽ ശ്രദ്ധ നേടിയിരുന്നു. ഈ സീരിയൽ, മമ്മൂട്ടിയുടെ നിർമാണക്കമ്പനിയായ മെഗാബൈറ്റ്സ് നിർമ്മിച്ചതാണ്. കുടുംബം മസ്കറ്റിൽ താമസിക്കുന്ന സ്വപ്‌ന, അഭിനയത്തിനിടയിൽ ഇടവേളകൾക്കിടെ മസ്കറ്റിൽ പോയി കുടുംബത്തോടൊപ്പം സമയം ചെലവഴിക്കാറുണ്ടെന്ന് പറഞ്ഞിട്ടുണ്ട്. മകളോടൊപ്പം കൂടുതൽ സമയം ചെലവഴിക്കാനാണ് ഇപ്പോൾ സ്വപ്‌ന അഭിനയത്തിൽ നിന്നും ചെറിയ ഇടവേള എടുത്തതെന്നും, ഭാവിയിൽ വീണ്ടും അഭിനയിക്കുമെന്നും അടുത്തിടെ ഒരു അഭിമുഖത്തിൽ വ്യക്തമാക്കിയിരുന്നു. ഇടവേളക്കു ശേഷം മസ്കറ്റിൽ തിരിച്ചെത്തിയ വിവരം, സ്വപ്‌ന തന്റെ സോഷ്യൽ മീഡിയ പേജിൽ പങ്കുവെച്ചിട്ടുണ്ട്.

''മനസു നിറക്കുന്ന ഇടത്ത് രണ്ടു മാസങ്ങൾ ചെലവഴിച്ചു... കൂട്ടുകാർ, കുടുംബം, ജോലി, പ്രിയപ്പെട്ടവർ, കൊച്ചു കൊച്ചു പ്ലാനുകൾ... മുന്നോട്ട് പോകാൻ എനിക്ക് ഊർജ്ജം തരുന്ന ഒരുപാട് കൊച്ചു കാര്യങ്ങൾ.. അങ്ങനെ പലതും... ഇനി വീണ്ടും മസ്‌കറ്റിലേക്ക്... ശാന്തമായ, പതിയെ പതിയെ നീങ്ങുന്ന ആ പഴയ ദിനചര്യകളിലേക്ക്. ഇനി എന്താണ് മുന്നിലെന്ന ചോദ്യം ഇപ്പോഴും മനസിലുണ്ട്. കേരളം വിട്ടുപോവുക എന്നത് ഒരിക്കലും എളുപ്പമല്ല. എങ്കിലും, ഓരോ മടങ്ങിപ്പോക്കിലും പുതിയൊരു അധ്യായം കാത്തിരിപ്പുണ്ടാവും, അല്ലേ?'', എന്നിങ്ങനെ സ്വപ്‌ന ട്രീസ ഇൻസ്റ്റഗ്രാമിൽ കുറിച്ചു.

സീരിയൽ രംഗത്തെ സ്വപ്‌നയുടെ അടുത്ത സുഹൃത്തുക്കളടക്കം നിരവധി പേർ പോസ്റ്റിനു താഴെ കമന്റ് ചെയ്തിട്ടുണ്ട്. ''ഏറ്റവും വേഗം തിരിച്ചുവരൂ, അടുത്ത വരവിനായി കാത്തിരിക്കുന്നു'' എന്നത്, സ്വപ്‌നയുടെ അടുത്ത സുഹൃത്തും നടിയുമായ ഷഫ്‌ന നിസാമിന്റെ കമന്റാണ്. സ്വപ്‌നയുടെ ഈ പോസ്റ്റ്, ആരാധകരിൽ വലിയ ആവേശം സൃഷ്ടിച്ചിരിക്കുകയാണ്. സോഷ്യൽ മീഡിയയിൽ സ്വപ്‌നയുടെ തിരിച്ചുവരവിനെക്കുറിച്ചുള്ള കാത്തിരിപ്പും, ആരാധകരുടെ പിന്തുണയും, ഈ രംഗത്തെ പുതിയ മാറ്റങ്ങൾക്കുള്ള പ്രതീക്ഷയും പ്രകടമാക്കുന്നു.