Mileage still matters:മൈലേജ് ഇപ്പോഴും മെയിനാണ്, 46 മാസത്തിൽ നാലുലക്ഷം ഗ്രാന്റ് വിത്താര SUV-കൾ വിറ്റഴിച്ച് മാരുതി

മൈലേജിലും ഫീച്ചറുകളിലും മുന്നിൽ നിൽക്കുന്നതിനൊപ്പം, വിലയിലും ഈ വാഹനം എതിരാളികളെ വെല്ലുവിളിക്കുന്നുണ്ട്. മൈൽഡ് ഹൈബ്രിഡ് മാനുവൽ മോഡലിന്റെ എക്‌സ്‌ഷോറൂം വില 10.77 ലക്ഷം രൂപ മുതൽ 15.54 ലക്ഷം രൂപ വരെയും, ഓട്ടോമാറ്റിക് മോഡലിന് 13.45 ലക്ഷം രൂപ മുതൽ 18 ലക്ഷം രൂപ വരെയുമാണ്. സ്‌ട്രോംഗ് ഹൈബ്രിഡ് മോഡലിന് 17.92 ലക്ഷം രൂപ മുതൽ 19.72 ലക്ഷം രൂപ വരെയുമാണ് എക്‌സ്‌ഷോറും വില. ഇന്ത്യയിലെ ഏറ്റവും കൂടുതൽ മൈലേജുള്ള എസ്‌യുവി എന്ന വിശേഷണം മാരുതി ഗ്രാന്റ് വിത്താരയ്ക്ക് നൽകിയിട്ടുണ്ട്, 27.97 കിലോമീറ്റർ എന്ന മൈലേജ് കമ്പനി അവകാശപ്പെടുന്നു. ടൊയോട്ടയുടെ 1.5 ലിറ്റർ എൻജിനാണ് സ്‌ട്രോംഗ് ഹൈബ്രിഡ് സിസ്റ്റത്തിൽ ഉപയോഗിക്കുന്നത്, ഇത് 92 ബി.എച്ച്.പി. പവറും 122 എൻ.എം. ടോർക്കും ഉത്പാദിപ്പിക്കുന്നു. ഹൈബ്രിഡ് ഇലക്ട്രിക് മോട്ടോർ 79 ബി.എച്ച്.പി. പവറും 141 എൻ.എം. ടോർക്കും നൽകുന്നു. 177.6 വാട്ട് ലിഥിയം അയേൺ ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. മൈൽഡ് ഹൈബ്രിഡ് മോഡലിൽ, മാരുതിയുടെ 1.5 ലിറ്റർ കെ സീരീസ് പെട്രോൾ എൻജിനാണ് ഉപയോഗിക്കുന്നത്, ഇത് 103 ബി.എച്ച്.പി. പവറും 137 എൻ.എം. ടോർക്കും ഉത്പാദിപ്പിക്കുന്നു. ഈ വാഹനത്തിന്റെ സി.എൻ.ജി. പതിപ്പും വിപണിയിൽ എത്തിച്ചിരിക്കുകയാണ്, 1.5 ലിറ്റർ എൻജിനാണ് കരുത്തേകുന്നത്, ഇത് 87.83 പി.എസ്. പവറും 121.5 എൻ.എം. ടോർക്കും ഉത്പാദിപ്പിക്കുന്നു. അഞ്ച് സ്പീഡ് മാനുവൽ ട്രാൻസ്മിഷനിൽ മാത്രമാണ് ഇത് ലഭ്യമായിരിക്കുന്നത്.