Prime Minister's Media Awards: പ്രധാനമന്ത്രിയുടെ പത്താമത് മാധ്യമ അവാർഡുകൾ വിതരണം ചെയ്തു

മനാമ: ബഹ്‌റൈനിലെ ഡെപ്യൂട്ടി കിങ് പ്രിൻസ് സൽമാൻ ബിൻ ഹമദ് അൽ ഖലീഫ, പ്രധാനമന്ത്രിയുടെ പത്രപ്രവർത്തനത്തിനുള്ള അവാർഡിന്റെ പത്താമത് പതിപ്പിന്റെ ചടങ്ങിൽ പങ്കെടുത്തു. രാജ്യത്തിന്റെ വികസനത്തിൽ ദേശീയ മാധ്യമങ്ങളുടെ പങ്ക് പ്രിൻസ് സൽമാൻ അംഗീകരിച്ചു. ബഹ്റൈനിലെ പ്രമുഖ പത്രപ്രവർത്തകർ രാജാവ് ഹമദ് ബിൻ ഈസ അൽ ഖലീഫ നയിക്കുന്ന വികസന പ്രവർത്തനങ്ങളിൽ സഹകരിക്കുന്നതിലൂടെ രാജ്യത്തിന്റെ നേട്ടങ്ങൾ ശക്തിപ്പെടുത്തുന്നതിന് തുടർച്ചയായി സംഭാവന നൽകുന്നുവെന്ന് അദ്ദേഹം പറഞ്ഞു. ദേശീയ ഐക്യം, പൊതുജന അവബോധം, ഔദ്യോഗിക സ്രോതസ്സുകളിൽ വിശ്വാസം, ഉത്തരവാദിത്തത്തോടെ റിപ്പോർട്ടിംഗ് എന്നിവയിൽ മാധ്യമങ്ങൾ പ്രധാന പങ്ക് വഹിക്കുന്നുവെന്ന് പ്രിൻസ് സൽമാൻ ചൂണ്ടിക്കാട്ടി. പ്രധാനമന്ത്രിയുടെ പത്രപ്രവർത്തനത്തിനുള്ള അവാർഡ് മികവിന്റെയും നവീകരണത്തിന്റെയും സംസ്‌കാരം വികസിപ്പിച്ചുവെന്നും, മികച്ച മാധ്യമ പ്രതിഭകളെ അംഗീകരിക്കുന്നതിലൂടെ ബഹ്റൈൻ പത്രപ്രവർത്തനത്തിന്റെ നിലവാരം ഉയർത്തുന്നതിന് സഹായിക്കുന്നതായും അദ്ദേഹം അഭിപ്രായപ്പെട്ടു.

പ്രിൻസ് സൽമാൻ, ബഹ്റൈനെ പിന്തുണയ്ക്കുന്നതിലും, പ്രത്യേകിച്ച് രാജ്യത്തിനെതിരായ ഇറാനിയൻ ആക്രമണസമയത്ത്, പ്രൊഫഷണലിസം, കഴിവ് എന്നിവയിലൂടെ വെല്ലുവിളികളെ നേരിടുന്നതിൽ ദേശീയ മാധ്യമങ്ങളുടെ പങ്ക് പ്രശംസിച്ചു. രാജ്യത്തെ സേവിക്കുന്നതിലും വിശ്വാസ്യതയോടെ റിപ്പോർട്ട് ചെയ്യുന്നതിലും ബഹ്റൈൻ മാധ്യമങ്ങൾ പ്രൊഫഷണലിസം, ഉത്തരവാദിത്തം, സമർപ്പണം എന്നിവയിലൂടെ പ്രതിബദ്ധത കാണിക്കുന്നതിൽ അഭിമാനം പ്രകടിപ്പിച്ചു. 2026-ലെ പത്രപ്രവർത്തനത്തിനുള്ള പ്രധാനമന്ത്രിയുടെ അവാർഡിന് അർഹരായവരിൽ മൗനിസ് അൽ-മർദി, ഖലീൽ ഇബ്രാഹിം അൽ തവാദി, മഹ്‌മീദ് ജുമാ അൽ മഹ്‌മീദ്, ഷൈമ അബ്ദുൾകരീം ഹുസൈന്, ഫൈസൽ മുഹമ്മദ് അൽ-അലി, നബീൽ അൽ ഹമർ, മുഹമ്മദ് അബ്ദുൾറഹ്‌മാൻ അൽ മുല്ല, മുഹമ്മദ് അബ്ദുൾ-റെദാ ബഹാർ, ഒമർ അബ്ദുൽ സലാം അൽ-കഅബ്, ഹുദൈഫ ഇബ്രാഹിം അൽ-ദബൂ, നരിമാൻ മുഹമ്മദ് അൽ-ദുലൈമി, മുഹമ്മദ് ഹാഷിം സയീദ്, അഹമ്മദ് റാഷിദ് അൽ-ഹിലി എന്നിവരാണ്.