Heavy Rain Alert: അഞ്ചു ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
കേരളത്തില് ശക്തമായ മഴയുടെ സാധ്യതയെ തുടര്ന്ന്, നാളെ (ഓഗസ്റ്റ് 6) പത്തനംതിട്ട, ആലപ്പുഴ, വയനാട്, കോട്ടയം, കാസര്ഗോഡ് എന്നീ അഞ്ചു ജില്ലകളിലെ എല്ലാ വിദ്യാഭ്യാസ സ്ഥ
കേരളത്തില് ശക്തമായ മഴയുടെ സാധ്യതയെ തുടര്ന്ന്, നാളെ (ഓഗസ്റ്റ് 6) പത്തനംതിട്ട, ആലപ്പുഴ, വയനാട്, കോട്ടയം, കാസര്ഗോഡ് എന്നീ അഞ്ചു ജില്ലകളിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിരിക്കുന്നു. ഈ ജില്ലകളിലെ സ്കൂളുകള്, കോളേജുകള്, പ്രൊഫഷണല് കോളേജുകള്, അങ്കണവാടികള്, ട്യൂഷന് സെന്ററുകള്, ഐ.സി.എസ്.ഇ, സി.ബി.എസ്.ഇ. സ്കൂളുകള്, കേന്ദ്രീയ വിദ്യാലയങ്ങള്, മതവിദ്യാഭ്യാസ സ്ഥാപനങ്ങള് എന്നിവയൊക്കെ ഈ അവധിക്ക് വിധേയമാകും. തൃശ്ശൂര് ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധി ഉണ്ടായിരിക്കുമെന്ന് ജില്ലാ കളക്ടര്മാര് അറിയിച്ചു. ഇതിനിടെ, മുന്കൂട്ടി നിശ്ചയിച്ച സര്വകലാശാല/പൊതു പരീക്ഷകള്ക്കും അഭിമുഖങ്ങള്ക്കും മാറ്റമുണ്ടാകില്ലെന്ന് അധികൃതര് വ്യക്തമാക്കി.
കേരളത്തില് അടുത്ത മൂന്ന് മണിക്കൂറിനുള്ളില് പത്ത് ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ടെന്ന് അറിയിക്കുന്നു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, തൃശ്ശൂര്, പാലക്കാട്, മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഈ ജില്ലകളില് മഴയുടെ ശക്തി വര്ധിക്കുന്നതിനാല് ജാഗ്രത പാലിക്കണമെന്ന് അധികൃതര് അഭ്യര്ത്ഥിക്കുന്നു. ഈ സാഹചര്യത്തില്, ജനങ്ങള് അനാവശ്യമായ യാത്രകള് ഒഴിവാക്കുകയും, സുരക്ഷിതമായ സ്ഥലങ്ങളില് കഴിയുകയും ചെയ്യണമെന്ന് നിര്ദേശിച്ചിരിക്കുന്നു.
