UDF Government Criticism: യു ഡി എഫ് സർക്കാരിന്റേത് ആർഎസ്എസ് പ്രീണനം, വന്ദേമാതരം സർക്കുലർ ഉടൻ പിൻവലിക്കണം, പിഎം ശ്രീയിലും വഖഫ് നിലപാടിലും വിമർശനവുമായി പിണറായി

മലപ്പുറം: യു ഡി എഫ് സർക്കാരിനെയും ആർ എസ് എസ് അജണ്ടകളെയും നേരിടുന്ന രൂക്ഷ വിമർശനവുമായി പ്രതിപക്ഷ നേതാവ് പിണറായി വിജയൻ രംഗത്തെത്തി. ലോക കേരള സഭയെ എതിർത്തവരാണ് ഇന്നത്തെ സർക്കാരിൽ ഉള്ളത്. നാടിന്റെ ആവശ്യങ്ങൾക്കായുള്ള പ്രവാസി പദ്ധതികളോടുള്ള സർക്കാരിന്റെ സമീപനം എന്തായിരിക്കും എന്നതിനെക്കുറിച്ച് വ്യക്തമാക്കണം. സംസ്ഥാന ബജറ്റിൽ പ്രവാസികളെ പൂർണ്ണമായും അവഗണിച്ചുവെന്നും പ്രവാസി പദ്ധതികളുടെ ഭാവി തുലാസിലായതോടെ പ്രവാസികൾക്ക് വലിയ ആശങ്കയുണ്ടായിരിക്കുന്നു. എൽ ഡി എഫ് കാലത്ത് നടപ്പാക്കിയ പദ്ധതികളെ കുറച്ചുകൊണ്ടുള്ള സർക്കാരിന്റെ സമീപനം തിരുത്തണമെന്നും തിരൂരിൽ കേരള പ്രവാസി സംഘം നടത്തിയ പൊതുസമ്മേളനത്തിൽ അദ്ദേഹം ആവശ്യപ്പെട്ടു.

സത്യപ്രതിജ്ഞാ ചടങ്ങിൽ വന്ദേമാതരം ആലാപിച്ച രീതിയെ പിണറായി വിമർശിച്ചു. രാജ്യത്ത് വന്ദേമാതരം ആലപിക്കുന്നതിന് കൃത്യമായ രീതിയുണ്ടെന്നും മതനിരപേക്ഷതയെ നിഷേധിക്കുന്ന രീതിയിൽ വന്ദേമാതരം പൂർണ്ണമായും ചൊല്ലുന്നത് ആർ എസ് എസ് ആണ്. എന്നാൽ, ചീഫ് സെക്രട്ടറിയുടെ സർക്കുലർ വഴി വന്ദേമാതരം പൂർണ്ണമായും ചൊല്ലണമെന്നു പറയുന്നത് യു ഡി എഫ് സർക്കാരിന്റെ ആർ എസ് എസ് മുന്നിൽ കീഴടങ്ങലാണ്. ഈ വിഷയത്തിൽ മുഖ്യമന്ത്രിയുടെ പാർട്ടി പോലും അംഗീകരിക്കാത്തതിനാൽ ഉടൻ ഇടപെടണമെന്നും അദ്ദേഹം ആവശ്യപ്പെട്ടു. വന്ദേമാതരത്തിലെ ആദ്യ ഏഴ് വരികൾ മാത്രമാണ് ചൊല്ലേണ്ടതെന്നും അതിൽ കൂടുതൽ ചൊല്ലണമെന്ന സർക്കുലർ ഉടൻ പിൻവലിക്കണമെന്നും പിണറായി ആവശ്യപ്പെട്ടു.