Scam involving Messi's arrival in Kerala:മെസിയെ കേരളത്തിലേക്ക് എത്തിക്കാമെന്ന് പറഞ്ഞ് കോടികളുടെ തട്ടിപ്പ്

മെസിയെ കേരളത്തിലേക്ക് എത്തിക്കാമെന്ന് പറഞ്ഞ് കോടികളുടെ തട്ടിപ്പ് നടന്നതായി കായിക വകുപ്പ് റിപ്പോർട്ടിൽ വ്യക്തമാക്കുന്നു. ഈ നീക്കത്തിന്റെ ഭാഗമായി ഒരു കരാർ രേഖകളുമില്ലെന്നും, സ്പോൺസർ സർക്കാർ എഗ്രിമെന്റ് ഇല്ലെന്നും കണ്ടെത്തിയിട്ടുണ്ട്. കായിക വകുപ്പിന്റെ റിപ്പോർട്ടിൽ ഈ നീക്കത്തിന് നിയമ സാധുത ഇല്ലെന്നു വ്യക്തമാക്കുന്നു. റിപ്പോർട്ടിൽ ഗൗരവ സ്വഭാവത്തിലുള്ള ശുപാർശകളുണ്ടായിട്ടുണ്ട്, ഇത് ഈ തട്ടിപ്പിന്റെ ഗൗരത്വത്തെ വ്യക്തമാക്കുന്നു.

മെസിയെ കേരളത്തിലേക്ക് കൊണ്ടുവരാനുള്ള ശ്രമം വ്യാജമാണെന്ന് റിപ്പോർട്ടിൽ വ്യക്തമാക്കുന്നു. ക്രിമിനൽ കുറ്റങ്ങളും ഫിനാൻഷ്യൽ ഫ്രോഡിങ്ങും നടന്നതായി സംശയിക്കുന്നു. കേന്ദ്ര ഏജൻസികളുടെ അന്വേഷണം നടത്തണമെന്ന് കായിക വകുപ്പ് ശുപാർശ ചെയ്യുന്നു. ഫിഫ അംഗീകാരമില്ലാതെ വാഗ്ദാനം നൽകിയതും, ചട്ടങ്ങൾ മറികടന്ന് എൽഡിഎഫ് സർക്കാർ ഈ വാഗ്ദാനം നൽകിയതും ശ്രദ്ധേയമാണ്. മുൻ കായിക മന്ത്രിയുടെ നടപടിക്രമം പാലിച്ചില്ലെന്നതും ഈ റിപ്പോർട്ടിൽ ഉൾപ്പെടുത്തിയിട്ടുണ്ട്.

അർജൻ്റീന ഫുട്ബോൾ അസോസിയേഷൻ (എഎഫ്എ) 1.5 കോടി യുഎസ് ഡോളർ (ഏകദേശം 126 കോടി രൂപ) നൽകാൻ സമ്മതിച്ചുവെന്നു പറഞ്ഞിട്ടുണ്ടെങ്കിലും, ഈ പണം കൈമാറിയതിന്റെ രേഖകൾ സർക്കാരിന് ലഭിച്ചിട്ടില്ല. എഎഫ്എയും സംസ്ഥാന സർക്കാരും തമ്മിലുള്ള കരാറിന്റെ രേഖകൾ കണ്ടെത്താനായിട്ടില്ല. കായികവകുപ്പ് സ്പെഷ്യൽ സെക്രട്ടറി എൻ പ്രശാന്ത് തയ്യാറാക്കിയ റിപ്പോർട്ട്, രണ്ട് ആഴ്ചകൾ മുൻപ്, തുടർ നടപടികൾക്കായി മുഖ്യമന്ത്രി വിഡി സതീശന് കൈമാറിയിട്ടുണ്ട്. ഈ റിപ്പോർട്ടിൽ അന്തിമ തീരുമാനം മുഖ്യമന്ത്രിയെടുക്കുമെന്ന് കായിക യുവജനകാര്യ രജിസ്ട്രേഷൻ വകുപ്പ് മന്ത്രി അഡ്വ. ഒജെ ജനീഷ് അറിയിച്ചു. നിലവിൽ കായിക വകുപ്പ് നൽകിയിട്ടുള്ള റിപ്പോർട്ടിലെ കണ്ടെത്തലുകൾ ഗൗരവകരമാണ്.