UAE warns of drugs hidden in sweets:എ4 പേപ്പറുകളിലും മിഠായികളിലും കുട്ടികളെ ലക്ഷ്യമിട്ട് ലഹരി കടത്തുന്നു; ജാഗ്രത വേണമെന്ന് യുഎഇ ആന്റി നാര്കോട്ടിക്സ് അതോറിറ്റി
യുഎഇ ആന്റി-നാര്കോട്ടിക്സ് അതോറിറ്റി കുട്ടികളെയും കൗമാരക്കാരെയും ലക്ഷ്യമിട്ട് ലഹരി കടത്തുന്ന സംഘങ്ങള് പുതിയ രീതികള് ഉപയോഗിക്കുന്നതായി മുന്നറിയിപ്പ് നല്കി. എ
യുഎഇ ആന്റി-നാര്കോട്ടിക്സ് അതോറിറ്റി കുട്ടികളെയും കൗമാരക്കാരെയും ലക്ഷ്യമിട്ട് ലഹരി കടത്തുന്ന സംഘങ്ങള് പുതിയ രീതികള് ഉപയോഗിക്കുന്നതായി മുന്നറിയിപ്പ് നല്കി. എ4 പേപ്പറുകളിലും മിഠായികളിലും ലഹരി ഒളിപ്പിക്കുന്നതിന്റെ പുതിയ തന്ത്രങ്ങള് കണ്ടെത്തിയതായി അധികൃതര് അറിയിച്ചു. അപ്രതീക്ഷിത പാഴ്സലുകളെക്കുറിച്ചും ഓഫറുകളെക്കുറിച്ചും മാതാപിതാക്കള്ക്കും കുട്ടികള്ക്കും ജാഗ്രത പാലിക്കണമെന്ന് നിര്ദേശിച്ചിരിക്കുന്നു. ലഹരിമരുന്നിന് എതിരായ പോരാട്ടം ശക്തമാക്കിയതോടെ, ലഹരിക്കടത്തല് സംഘങ്ങള് പുതിയ വഴികള് തേടുകയാണ്. 'യുണൈറ്റഡ് ഇന് എലിമിനേറ്റിങ് ദ സ്കോര്ജ്' എന്ന പേരില് കുടുംബങ്ങളെയും വിദ്യാലയങ്ങളെയും ലക്ഷ്യമിടുന്ന ദേശീയ ബോധവല്ക്കരണ ക്യാംപയിനും യുഎഇ അടുത്തിടെ പൂര്ത്തിയാക്കിയിട്ടുണ്ട്. സാധാരണ പരിശോധനകളില് തിരിച്ചറിയാന് ബുദ്ധിമുട്ടുള്ള രീതിയില് എ4 പേപ്പറില് ലഹരിമരുന്ന് ഒളിപ്പിച്ച് കടത്തുന്ന തന്ത്രമാണ് ഇപ്പോഴത്തെ പ്രധാനമായും ഉപയോഗിക്കുന്നത്. വിദഗ്ധ പരിശോധനയിലൂടെ മാത്രമേ ഇവ കണ്ടെത്താന് കഴിയൂ.
കുട്ടികളെ ആകര്ഷിക്കുന്ന മിഠായികളിലും ഇലക്ട്രോണിക് സിഗരറ്റുകളിലും വെയ്പ്പിങ് ഉപകരണങ്ങളിലും ലഹരി കടത്തുന്ന പുതിയ രീതികള് വ്യാപകമായി ഉപയോഗിക്കപ്പെടുന്നു. കൊറിയര് മാര്ഗ്ഗങ്ങളിലൂടെ ലഹരിക്കടത്തല് വ്യാപകമായിരിക്കുകയാണ്. പരിചയമില്ലാത്ത നമ്പറുകളില് നിന്നുള്ള ഡെലിവറി ഏജന്സികള് വഴി വരുന്ന അപ്രതീക്ഷിത പാഴ്സലുകളും സമ്മാനങ്ങളും സ്വീകരിക്കരുതെന്ന് അധികൃതര് മുന്നറിയിപ്പ് നല്കിയിട്ടുണ്ട്. കുട്ടികളുടെ പെരുമാറ്റത്തില് അസാധാരണമായ മാറ്റങ്ങള് കാണുമ്പോള് മാതാപിതാക്കള് ശ്രദ്ധിക്കണം, കൂടാതെ അവരുമായി തുറന്ന ആശയവിനിമയം നടത്തേണ്ടതുണ്ട്. ലഹരി ഒരു രോഗാവസ്ഥയായി കണ്ട്, അപമാനഭയമില്ലാതെ ചികിത്സ തേടാന് കുടുംബങ്ങള് മുന്നോട്ട് വരണമെന്ന് നാഷണല് ആന്റി-നാര്കോട്ടിക്സ് അതോറിറ്റി അഭ്യര്ഥിക്കുന്നു.
