CJP's Upcoming Protest Programs: സിജെപിയുടെ തുടര്സമരപരിപാടികള് എന്തെന്ന് ഇന്നറിയാം; ഉച്ചയ്ക്ക് വാര്ത്താസമ്മേളനം
കോക്റോച്ച് ജനത പാര്ട്ടിയുടെ സമരപരിപാടികള് സംബന്ധിച്ച വിവരങ്ങള് ഇന്ന് ഉച്ചയ്ക്ക് വ്യക്തമാക്കാനാണ് സിജെപി വക്താക്കള് മാധ്യമങ്ങളോട് സംസാരിക്കാനായി എത്തുന്നത്.
കോക്റോച്ച് ജനത പാര്ട്ടിയുടെ സമരപരിപാടികള് സംബന്ധിച്ച വിവരങ്ങള് ഇന്ന് ഉച്ചയ്ക്ക് വ്യക്തമാക്കാനാണ് സിജെപി വക്താക്കള് മാധ്യമങ്ങളോട് സംസാരിക്കാനായി എത്തുന്നത്. മഹാരാഷ്ട്രയിലെ ഛത്രപതി സാമ്ബാജി നഗറിലെ സിജെപി സ്ഥാപകന് അഭിജിത്ത് ദീപ്കെയുടെ വസതിയില് നടന്ന ദ്വിദിന നേതൃയോഗത്തിന് ശേഷമാണ് വാര്ത്താസമ്മേളനം. കേന്ദ്രസര്ക്കാര് നല്കിയ വാഗ്ദാനങ്ങള് നടപ്പിലാകാത്ത സാഹചര്യത്തില് സ്വീകരിക്കേണ്ട നടപടികള് സംബന്ധിച്ചും അടുത്ത ഘട്ടത്തിലെ സമരപരിപാടികള് സംബന്ധിച്ചും തീരുമാനമുണ്ടാകുമെന്ന് സിജെപി അറിയിച്ചു. രാഷ്ട്രീയ പാര്ട്ടിയായി മാറാന് ആഗ്രഹമില്ലെന്നും, സമ്മര്ദ ഗ്രൂപ്പായി തുടരാന് തീരുമാനിച്ചിട്ടുണ്ടെന്നും അഭിജിത്ത് ദീപ്കെ കഴിഞ്ഞ ദിവസം മാധ്യമങ്ങളോട് പറഞ്ഞു.
ഇതിനിടെ, ജെന്സി, ജെന് ആല്ഫ തലമുറകളെ ചേര്ത്തു നിര്ത്തുന്നതിന്റെ ഭാഗമായി രാജ്യത്തെ 100 നഗരങ്ങളിലായി 2000 വിദ്യാര്ഥികളെ ആര്എസ്എസ് മേധാവി മോഹന് ഭാഗവത് ഇന്ന് അഭിസംബോധന ചെയ്യും. ‘ഇന്ത്യാസ് ഇന്റര്നാഷണല് മൂവ്മെന്റ് ടു യുണൈറ്റഡ് നഷന്സ’ എന്ന സംഘടനയുടെ പരിപാടിയിലാണ് അദ്ദേഹം വിദ്യാര്ഥികളുമായി സംവദിക്കുക. മുംബൈയിലെ ബാന്ദ്ര-കുര്ള കോംപ്ലക്സിലെ നിത മുകേഷ് അംബാനി കള്ച്ചറല് സെന്ററില് നടക്കുന്ന ഈ പരിപാടി, പുതിയ തലമുറയുമായി ബന്ധം സ്ഥാപിക്കുന്നതിന്റെ ഭാഗമായാണ് സംഘടിപ്പിച്ചിരിക്കുന്നത്.
