K.C. Venugopal's Stance: അമിത് ഷാ സഭയിൽ എത്തുമെങ്കിൽ മാത്രം സഹകരിക്കും; FCRA ബിൽ കൊണ്ടുവരാമെന്ന് കേന്ദ്രം കരുതേണ്ട

കേന്ദ്ര ആഭ്യന്തര മന്ത്രി അമിത് ഷാ പാർലമെന്റിൽ എത്തുന്നതുവരെ സഹകരിക്കില്ലെന്ന് എഐസിസി ജനറൽ സെക്രട്ടറി കെ സി വേണുഗോപാൽ വ്യക്തമാക്കിയിട്ടുണ്ട്. മണ്ഡല പുനർ നിർണയവുമായി ബന്ധപ്പെട്ട ബില്ല് അവതരിപ്പിക്കുന്നതിന് മുൻപ് സർവകക്ഷി യോഗം വിളിക്കണമെന്ന് അദ്ദേഹം ആവശ്യപ്പെട്ടു. പെല്ലറ്റ് ഗൺ ഉപയോഗിച്ചുകൊണ്ടുള്ള കാര്യങ്ങൾ സംബന്ധിച്ച് വിശദീകരണം നൽകേണ്ടതുണ്ട്. എഫ്സിആർഎ ബിൽ കൊണ്ടുവരുന്നതിൽ കേന്ദ്രം ശ്രദ്ധിക്കണമെന്ന് കെ സി വേണുഗോപാൽ പറഞ്ഞു.

എഫ്സിആർഎ ബില്ല് നടപ്പിലാക്കാൻ അനുവദിക്കില്ലെന്ന് കെ സി വേണുഗോപാൽ വ്യക്തമാക്കി. ബിൽ പാസാക്കാൻ അമിത് ഷാ വന്നാൽ പ്രതിഷേധം നേരിടേണ്ടി വരുമെന്നും അദ്ദേഹം കൂട്ടിച്ചേർത്തു. തന്റേടം ഉണ്ടെങ്കിൽ ആർഎസ്എസിനെ നിയന്ത്രിക്കണമെന്നും കെ സി വേണുഗോപാൽ പറഞ്ഞു. ജെൻസിയ്ക്ക് ലഭിച്ച പിന്തുണ കോൺഗ്രസിന് ലഭിച്ചില്ലെന്ന ഡോക്ടർ ശശി തരൂർ എം പിയുടെ പരാമർശം കോൺഗ്രസ് നേതൃത്വം തള്ളിക്കളഞ്ഞു. അങ്ങനെയുള്ള പ്രസ്താവനകൾ തരൂർ എന്നല്ല ആരും നടത്തരുതെന്ന് കെ സി വേണുഗോപാൽ പറഞ്ഞു.

വന്ദേ മാതരം സർക്കുലറിനെക്കുറിച്ച് കെ സി വേണുഗോപാൽ പ്രതികരിച്ചു. ചീഫ് സെക്രട്ടറി ഏത് സാഹചര്യത്തിൽ ആണ് സർക്കുലർ ഇറക്കിയത് എന്നത് വ്യക്തമല്ല. ധൃതി പിടിച്ച് എന്തിന് സർക്കുലർ ഇറക്കിയെന്ന് അദ്ദേഹം ചോദിച്ചു. സർക്കാർ ഈ വിഷയത്തിൽ പരിശോധിക്കണമെന്നും, സർക്കാരിന്റെ ശ്രദ്ധയിൽ പെടുത്തിയിട്ടുണ്ടെന്നും കെ സി വേണുഗോപാൽ പറഞ്ഞു.

Story Highlights : K.C. Venugopal says there would be no cooperation unless Amit Shah appears in Parliament