Request for Land: ഭൂമി വാങ്ങാൻ സഹായിക്കണം, സമ്മാനമായി നൽകിയാൽ സന്തോഷം; മുഖ്യമന്ത്രിയോട് അഭ്യർഥനയുമായി പന്ത്

ന്യൂഡൽഹി: ഇന്ത്യൻ വിക്കറ്റ് കീപ്പർ ഋഷഭ് പന്ത്, താമസം മാറ്റുന്നതിനായി ഭൂമി അനുവദിക്കണമെന്ന് ആവശ്യപ്പെട്ടുകൊണ്ട് രംഗത്തെത്തിയിരിക്കുകയാണ്. എക്‌സിൽ പങ്കുവെച്ച കുറിപ്പിൽ, ഡൽഹിയിൽ നിന്ന് ഉത്തരാഖണ്ഡിലേക്ക് താമസം മാറ്റാൻ ആഗ്രഹിക്കുന്നുവെങ്കിലും, അവിടെ ഭൂമി ലഭ്യമല്ലെന്നു അദ്ദേഹം പറഞ്ഞു. ഈ ആവശ്യവുമായി അദ്ദേഹം ഉത്തരാഖണ്ഡ് മുഖ്യമന്ത്രി പുഷ്‌കർ സിങ് ധാമിയോടാണ് അഭ്യർത്ഥിച്ചത്. കുറിപ്പിൽ നിരവധി അക്ഷരതെറ്റുകൾ ഉണ്ടെന്നതും ശ്രദ്ധേയമാണ്. ശ്രീലങ്കയ്‌ക്കെതിരായ ടെസ്റ്റ് മത്സരത്തിനുള്ള ഒരുക്കത്തിലാണ് പന്ത്. ഈ സാഹചര്യത്തിൽ, തന്റെ ആവശ്യവുമായി അദ്ദേഹം മുന്നോട്ട് വന്നിരിക്കുകയാണ്. ഡൽഹിയിൽ നിന്ന് ഉത്തരാഖണ്ഡിലേക്ക് താമസം മാറ്റാൻ വേണ്ടി ഭൂമി വാങ്ങാൻ ശ്രമിച്ചിട്ടുണ്ടെങ്കിലും, അവിടെ താമസിക്കാൻ അനുയോജ്യമായ സ്ഥലങ്ങൾ കണ്ടെത്താൻ സാധിച്ചില്ലെന്നും പന്ത് എക്‌സിൽ വ്യക്തമാക്കിയിട്ടുണ്ട്. 'എനിക്ക് എന്റെ ഉത്തരാഖണ്ഡ് വളരെ ഇഷ്ടമാണ്. ഭൂമി വാങ്ങാൻ സഹായിക്കണമെന്ന് അഭ്യർത്ഥിക്കുന്നു. കാരണം ഇന്ന് ഇത് വളരെ ബുദ്ധിമുട്ടായി മാറിയിരിക്കുന്നു. എല്ലാ കാര്യങ്ങളും മാറ്റിവെച്ച്, എന്റെ നാട്ടിലേക്ക് മടങ്ങിയെത്തി, സഹായിക്കാനും താമസിക്കാനും ഞാൻ ആഗ്രഹിക്കുന്നു. എന്റെ ജനങ്ങളോടൊപ്പം നിൽക്കാൻ ഞാൻ ആഗ്രഹിക്കുന്നു. ദയവായി ഈ വിഷയത്തിൽ ശ്രദ്ധിക്കണം. മൂന്ന് വർഷമായിട്ടും എനിക്ക് ഭൂമി ലഭിച്ചിട്ടില്ല. നിങ്ങളുടെ മറുപടിക്കായി കാത്തിരിക്കുന്നു.' - ഇതാണ് പന്തിന്റെ അഭ്യർത്ഥന. ഈ വിഷയത്തിൽ മറ്റൊരു കുറിപ്പും അദ്ദേഹം പങ്കുവെച്ചിട്ടുണ്ട്. 'അന്താരാഷ്ട്ര തലങ്ങളിൽ സംസ്ഥാനത്തെ പ്രതിനിധീകരിക്കുന്നതിനാൽ, ഭൂമി സമ്മാനമായി നൽകാമോ?' എന്ന ചോദ്യവും അദ്ദേഹം ഉന്നയിച്ചിട്ടുണ്ട്. 'അന്താരാഷ്ട്ര തലങ്ങളിൽ സംസ്ഥാനത്തെ പ്രതിനിധീകരിക്കുന്നതിന് ഒരു സമ്മാനം ലഭിക്കുന്നത് സന്തോഷകരമായിരിക്കും. എന്നാൽ നിങ്ങൾ അനുവദിക്കുകയാണെങ്കിൽ, സർക്കാർ നിരക്കിൽ ഭൂമി വാങ്ങാൻ ഞാൻ ആഗ്രഹിക്കുന്നു. അങ്ങനെ എന്റെ സ്വന്തം സംസ്ഥാനത്തും എന്റെ ആദ്യത്തെ വീട് നിർമ്മിക്കാൻ കഴിയും. ദയവായി സഹായിക്കുക. ഇത് എങ്ങനെ ചെയ്യണമെന്ന് സത്യത്തിൽ എനിക്ക് അറിയില്ല.' - പന്ത് കുറിച്ചു. പന്തിന്റെ പോസ്റ്റ് സാമൂഹികമാധ്യമങ്ങളിൽ വലിയ ചർച്ചകൾക്ക് ഇടയാക്കുകയും, ഇത്തരമൊരു ആവശ്യവുമായി ഒരു ഇന്ത്യൻ താരത്തിന്റെ മുന്നോട്ടുവരുന്നത് അസ്വാഭാവികമായതും, അതിൽ ചിലർ അമ്പരപ്പും പ്രകടിപ്പിക്കുകയും ചെയ്തു. കൂടാതെ, പോസ്റ്റ് അർധരാത്രിയിൽ പങ്കുവെച്ചതും, അക്ഷരതെറ്റുകൾ ഉള്ളതും പലരും ചൂണ്ടിക്കാട്ടി.