OpenAI's New Device:ഓപ്പൺ എഐയുടെ കുഞ്ഞൻ ചാറ്റ് ജിപിടി ഉപകരണം ! പുറത്തിറക്കും മുമ്പ് കൂടുതൽ വിവരങ്ങൾ ചോർന്നു

ഓപ്പൺ എഐ ഇലക്ട്രോണിക്സ് ഉപകരണങ്ങളുടെ മേഖലയിലേക്ക് കടക്കുകയാണ്. ഈ പ്രമുഖ എഐ കമ്പനിയുടെ ആദ്യ ഉപകരണത്തിന്റെ നിർമ്മാണം പുരോഗമിക്കുന്നു. ചാറ്റിജിപിടി അടിസ്ഥാനമാക്കിയുള്ള ഉപകരണമാണെന്ന് സൂചനകൾ ഉണ്ട്, എന്നാൽ കമ്പനി ഔദ്യോഗികമായി എന്ത് ഉപകരണമാണ് നിർമ്മിക്കുന്നത് എന്ന് വ്യക്തമാക്കുന്നില്ല. എന്നാൽ, ഇത് സ്ക്രീനില്ലാത്ത ഒരു സ്മാർട്ട് സ്പീക്കർ ആകുമെന്ന് കരുതപ്പെടുന്നു. ഇതുമായി ബന്ധപ്പെട്ട കൂടുതൽ വിവരങ്ങൾ ഇപ്പോൾ പുറത്തുവന്നിട്ടുണ്ട്.

ബ്ലൂബെർഗ് റിപ്പോർട്ടിന്റെ അടിസ്ഥാനത്തിൽ, ഓപ്പൺ എഐ പുറത്തിറക്കാൻ പോകുന്ന ആദ്യ സ്മാർട്ട് സ്പീക്കർ ഡോണട്ടിന്റെ ആകൃതിയിലുള്ളതായിരിക്കുമെന്ന് പറയുന്നു. ഐസ് ഹോക്കിയ്ക്ക് ഉപയോഗിക്കുന്ന ഒരു ഹോക്കി പക്കിന്റെ വലിപ്പം ഈ ഉപകരണത്തിനുണ്ടാകും, അതായത് എളുപ്പത്തിൽ കൈയിൽ പിടിക്കാനും പോക്കറ്റിൽ വയ്ക്കാനും കഴിയുന്ന ഒരു ചെറിയ സ്പീക്കർ ആയിരിക്കും ഇത്. ഈ ഉപകരണത്തിന്റെ രൂപകൽപന പ്രശസ്ത ആപ്പിൾ ഡിസൈനർ ജോണി ഐവാണ് നിർവഹിക്കുന്നത്. ഐഓ പ്രൊഡക്ട്സ് എന്ന ജോണി ഐവിന്റെ സ്റ്റാർട്ടപ്പിനെ കഴിഞ്ഞ വർഷം 6.5 ശതകോടി ഡോളറിന് സ്വന്തമാക്കിയാണ് ഓപ്പൺ എഐ ഹാർഡ്‌വെയർ നിർമ്മാണ പദ്ധതിയിൽ പ്രവേശിച്ചത്. ജോണി ഐവിന്റെ സ്റ്റുഡിയോ ആയ ലവ്ഫ്രോം, കൂടാതെ മുൻ ആപ്പിൾ ഡിസൈനർമാരായ ഇവാൻസ് ഹാൻകി, പോൾ മീഡ് എന്നിവരും ഈ സ്പീക്കർ വികസിപ്പിക്കുന്നതിൽ പങ്കാളികളാണ്.