Mass Jidda Music Event:ജിദ്ദയിൽ മാസ് ജിദ്ദയുടെ സംഗീത സായാഹ്നം ആസ്വദിച്ചു

ജിദ്ദ: മാസ് ജിദ്ദയുടെ നേതൃത്വത്തിൽ ഹസ്സൻ കൊണ്ടോട്ടി, നൂഹ് ബീമാപ്പള്ളി എന്നിവരുടെ നേതൃത്വത്തിൽ സംഘടിപ്പിച്ച സംഗീത സായാഹ്നം ജിദ്ദയിലെ സംഗീതപ്രേമികൾക്ക് മറക്കാനാവാത്ത അനുഭവമായി. മുഷ്‌രിഫിലെ ഓഡിറ്റോറിയത്തിൽ നടന്ന ഈ പരിപാടി നിറഞ്ഞ സദസ്സിൽ അരങ്ങേറി. ഹിന്ദി ഗാനങ്ങൾക്ക് മാത്രം ഒരുക്കിയ പരിപാടിയിൽ മലയാളികൾക്കൊപ്പം മറ്റ് സംസ്ഥാനങ്ങളിൽ നിന്നുള്ള പ്രേക്ഷകരും പങ്കെടുത്തു. സദസ്സിന് മുന്നിൽ നടന്ന പരിപാടി ഏറെ ശ്രദ്ധേയമായിരുന്നു.

ജിദ്ദയുടെ അഭിമാനമായ ബോളിവുഡ് ഗായകൻ ബസ്സാം പരിപാടിയിൽ പങ്കെടുത്ത് തന്റെ ചില ഗാനങ്ങൾ ആലപിച്ച് പ്രേക്ഷകരുടെ ഹൃദയം കീഴടക്കി. അദ്ദേഹത്തിന്റെ ഗാനങ്ങൾക്കൊപ്പം പ്രേക്ഷകർ നിറഞ്ഞ കൈയടികളോടെ സ്വീകരിച്ചു. നൂഹ് ബീമാപ്പള്ളി, സോഫിയ സുനിൽ, റൈസ ആമിർ, അദ്‌നാൻ, റാഫി ആലുവ, മൻസൂർ പാങ്ങ്, ഐശ്വര്യ അനിൽ, ഹരിഷ്മ, ആർദ്ര, അഫ്രാ സബിൻ റാഫി, രമ്യ ബ്രൂസ്, ഹസ്സൻ കൊണ്ടോട്ടി തുടങ്ങിയവർ വിവിധ ഗാനങ്ങൾ അവതരിപ്പിച്ചു. സുവിജ സത്യനും ഹസ്സൻ കൊണ്ടോട്ടിയും പരിപാടിയുടെ അവതാരകരായി മിഴിവേകി.

നവാസ് ബീമാപ്പള്ളി, ഗഫൂർ മാഹി, അഷ്‌റഫ് ചുക്കൻ തുടങ്ങിയവർ അതിഥികളെ സ്വീകരിച്ചു. ഇസ്മായിൽ മണ്ണാർക്കാട് ശബ്ദവും വെളിച്ചവും നിയന്ത്രിച്ചു. ഹനയും ഹിബയും അവതരിപ്പിച്ച മനോഹരമായ നൃത്താവതരണം പരിപാടിയുടെ പ്രത്യേക ആകർഷണമായി മാറി. കൊച്ചു കലാകാരികളുടെ പ്രകടനം സദസ്സിൽ നിറഞ്ഞ കൈയടികൾ നേടി. ജിദ്ദ സൗഹൃദ കൂട്ടായ്മ കുരുന്നുകൾക്ക് സമ്മാനം നൽകി ആദരിച്ചു. ജിദ്ദയിലെ സാമൂഹിക-സാംസ്കാരിക രംഗത്തെ പ്രമുഖരായ വാസു ഹംദാൻ, സഹീർ മാഞ്ഞാലി, അബ്ദുള്ള മുക്കണ്ണി, അബ്ദുൽ റഹ്മാൻ മാവൂർ, ബഷീർ പരുത്തിക്കുന്നൻ, കാജാ മൊയ്തീൻ, റാഫി ബീമാപ്പള്ളി, ജാഫറലി പാലക്കോട്, സുൽഫിക്കർ ഒതായി, ബാദുഷ മാസ്റ്റർ തുടങ്ങിയവർ പരിപാടിയിൽ പങ്കെടുത്തു. ജോയ് മൂലൻ, ഗുഡ് ഹോപ്പ് ഇന്റർനാഷണൽ ഗ്രൂപ്പ് മാനേജിങ് ഡയറക്ടർ ഡോക്ടർ ജുനൈസ് ബാബു, റയാൻ ജിം സാരഥി സലാം, ഗായകനായ വിജേഷ് ചന്ദ്രു തുടങ്ങിയവരുടെ സാന്നിധ്യം പരിപാടിക്ക് കൂടുതൽ പ്രൗഢി പകർന്നു. കലാമൂല്യമുള്ള പരിപാടികളുമായി ജിദ്ദാ സമൂഹത്തിൽ നിറഞ്ഞു നിൽക്കുന്ന മാസ് ജിദ്ദയുടെ രംഗ് തരംഗം ജിദ്ദയിലെ പ്രവാസി സമൂഹത്തിന് വേറിട്ട അനുഭവമായി.