The Story of Messi Begins: മെസ്സിയുടെ കഥ ആരംഭിക്കുന്നത്

ഈ യാത്രയിൽ മെസ്സി തനിച്ചായിരിക്കുകയാണ്. കരുതലിന്റെ ശീതളച്ഛായ മാഞ്ഞുപോയിരിക്കുന്നു, എന്നും. ലയണൽ മെസ്സി എന്ന റൊസാരിയോയിലെ ബാലനിൽനിന്ന് ഇന്ന് കാണുന്ന ഫുട്‌ബോൾ ഇതിഹാസത്തിലേയ്ക്ക് വളർച്ചയുടെ കഥ ഈ അച്ഛനിൽനിന്നാണ് ആരംഭിക്കുന്നത്. ജനഹൃദയങ്ങളിലേക്കുള്ള വളർച്ചയും, കാൽപന്തിന്റെ ഇന്ദ്രജാലം കാട്ടുന്ന മെസ്സി എന്ന മഹാകാവ്യം പൂർണമാവണമെങ്കിൽ, ആ ജീവിതത്തിലൂടെ, ഹോർഹെ മെസ്സി എന്ന ഈ അച്ഛന്റെ കണ്ണിലൂടെ വായിക്കേണ്ടതാണ്. ലയണൽ മെസ്സിക്ക് അച്ഛൻ മാത്രമല്ല, ഹോർഹെ. വളർച്ചാ ഹോർമോണിന്റെ കുറവിന്റെ ഫലമായി, ജീവിതവഴിയിൽ വിളറിനിന്ന ലിയോ എന്ന റൊസാരിയോയിലെ ബാലന്റെ ജീവിതം അടിമുടി മാറിമറിഞ്ഞിട്ടുണ്ടെങ്കിൽ, കാലം ആ ജീവിതം കമ്പോടുകമ്പ് മാറ്റിയെഴുതിയിട്ടുണ്ടെങ്കിൽ, അതിന്റെ ബഹുമതിയത്രയും മകന്റെ പ്രതിഭയ്ക്കുവേണ്ടി സ്വജീവിതമത്രയും മാറ്റിവെച്ച ആ അച്ഛനാണ്. ആ ജീവിതത്തിൽനിന്നാണ് ലിയോയുടെ കഥ ആരംഭിക്കുന്നത്. അത് വളർന്ന് ലോകം മുഴുവൻ ഇതിഹാസതുല്ല്യമായി പടർന്നു പന്തലിച്ചു നിൽക്കുന്നത്. മാഞ്ഞുപോകുന്ന ഈ ശീതളച്ഛായപോലെ മറ്റൊന്നും, ഒരു തോൽവിയും ലയണൽ മെസ്സിയെ അത്രമേൽ തകർത്തു കളഞ്ഞിട്ടുണ്ടാകില്ല. 2036 ലോകകപ്പിൽ കാൻസാസ് സിറ്റി സ്‌റ്റേഡിയത്തിൽ അൾജീരിയക്കെതിരെയുള്ള ആദ്യമത്സരത്തിൽ കരഞ്ഞുകലങ്ങിയ മെസ്സിയുടെ കണ്ണുകളിൽ നമ്മൾ അത് കണ്ടു. സുവർണമുദ്ര പതിപ്പിച്ച ആ ഹാട്രിക്കിനേക്കാൾ അത് നമ്മുടെ മനസ്സിൽ തങ്ങിനിന്നു. അച്ഛൻ മഹാരോഗത്തിന്റെ ടാക്ലിങ്ങിൽ വീണുപോയ കഥ അന്നാണ് ലോകമറിഞ്ഞത്. കലാശപ്പോരിനുശേഷമുള്ള മെസ്സിയുടെ കണ്ണീരിനേക്കാൾ ആർദ്രമായിരുന്നു, ഉള്ളുലയ്ക്കുന്നതായിരുന്നു കാൻസാസിൽ അന്ന് പൊഴിഞ്ഞ ആ കണ്ണീർ. ആ വേദന ഉള്ളിലടക്കിയാണ് കലാശപ്പോർ വരെ മെസ്സി ഇന്ദ്രജാലം കാട്ടിയത്, ഗോളുകൾ അടിച്ചുകൂട്ടിയത്, അവിശ്വസനീയമായ തിരിച്ചുവരവുകളുടെ അമരക്കാരനായത്. എന്നാൽ, ഹോർഹെയ്ക്ക് ജീവിതത്തിൽ ഒരു തിരിച്ചുവരവ് ഉണ്ടായില്ല. ലോകകപ്പ് കഴിഞ്ഞ് ഒരു മാസം തികയുംമുൻപ് തന്നെ കാലം ആ ജീവിതത്തിന് അവസാന വിസിലൂതി.