Hardik's Trade Dilemma:കൊല്ക്കത്തയോ ചെന്നൈയോ? രണ്ടായാലും ഹാർദിക്കിന് എളുപ്പമല്ല, എന്തുകൊണ്ട്?
കൊല്ക്കത്തയിലേക്ക് വന്നാൽ, ഒരു താരത്തിൽ ട്രേഡ് ഒതുങ്ങിയേക്കാം. ഹാർദിക്കിന്റെ പർഫെക്ട് റീപ്ലേസ്മെന്റ് ആ സംഘത്തിലുണ്ട്, കാമറൂണ് ഗ്രീൻ. 2023 സീസണിൽ മുംബൈക്കായി ക
കൊല്ക്കത്തയിലേക്ക് വന്നാൽ, ഒരു താരത്തിൽ ട്രേഡ് ഒതുങ്ങിയേക്കാം. ഹാർദിക്കിന്റെ പർഫെക്ട് റീപ്ലേസ്മെന്റ് ആ സംഘത്തിലുണ്ട്, കാമറൂണ് ഗ്രീൻ. 2023 സീസണിൽ മുംബൈക്കായി കളിച്ച ഗ്രീൻ 160 സ്ട്രൈക്ക് റേറ്റിൽ 452 റൺസും ആറ് വിക്കറ്റും നേടി. 2024, 2026 സീസണുകളിൽ ശരാശരിയിൽ ഒതുങ്ങിയെങ്കിലും, നിലവിൽ ഫോമിലേക്ക് മടങ്ങിയെത്തിയിട്ടുണ്ട് ഗ്രീൻ. എന്നാൽ, ഓസ്ട്രേലിയൻ താരങ്ങളെ ടീമിലേക്ക് എടുക്കുന്നതിൽ ചില റിസ്ക്ക് ഫാക്ടേഴ്സ് നിലനിൽക്കുന്നു. പരുക്കിനെ ഭയന്നും ടെസ്റ്റ് ക്രിക്കറ്റിന് മുൻഗണന നൽകിയും ഐപിഎല്ലിന്റെ ഒരു സീസൺ മുഴുവനായും കളിക്കാൻ ഓസ്ട്രേലിയൻ താരങ്ങൾ പലപ്പോഴും തയാറാകാറില്ല. മിച്ചൽ സ്റ്റാർക്കും പാറ്റ് കമ്മിൻസും ഉദാഹരണങ്ങളാണ്. അതിനാൽ, ഗ്രീനിനെ വാങ്ങി ഹാർദിക്കിനെ നൽകാൻ മുംബൈ തയാറാകുമോ എന്നതിൽ സംശയം നിലനിൽക്കുന്നു. പക്ഷേ, ഹാർദിക്കിനെ സംബന്ധിച്ച് കൊല്ക്കത്ത മികച്ച ഓപ്ഷനാണ്, ഒരു നായകനെക്കൂടി കാത്തിരിക്കുകയാണ് കൊല്ക്കത്ത, ചെന്നൈയിൽ ഹാർദിക്കിന് നായകസ്ഥാനം ലഭിക്കാനുള്ള സാധ്യതകൾ നിലവിൽ വിരളമാണ്.
