Cultural Awards Announced: പൊന്നാനി കൾച്ചറൽ വേൾഡ് ഫൗണ്ടേഷൻ സലാല ചാപ്റ്റർ 'സമഗ്ര സംഭാവന പുരസ്‌കാരങ്ങൾ' പ്രഖ്യാപിച്ചു

സലാല: സലാലയിലെ സാമൂഹിക, സാംസ്‌കാരിക, ജീവകാരുണ്യ, വിദ്യാഭ്യാസ, ബിസിനസ്, മാധ്യമ, കായിക, ആശുപത്രി സേവന മേഖലകളിൽ വ്യക്തിത്വം തെളിയിച്ച പ്രമുഖ വ്യക്തികൾക്കും സ്ഥാപനങ്ങൾക്കും പൊന്നാനി കൾച്ചറൽ വേൾഡ് ഫൗണ്ടേഷൻ (PCWF) സലാല ചാപ്റ്ററിന്റെ 'സമഗ്ര സംഭാവന പുരസ്‌കാരങ്ങൾ' പ്രഖ്യാപിച്ചു. ഈ പുരസ്‌കാരങ്ങൾ പൊന്നാനി നിളാ സംഗ്രഹാലയത്തിൽ നടന്ന നെക്‌സസ് 2026 പ്രവാസി സംഗമത്തിന്റെ വേദിയിൽ പ്രശസ്ത സാഹിത്യകാരനും PCWF ഉപദേശക സമിതി ചെയർമാനുമായ കെ.പി. രാമനുണ്ണി പ്രഖ്യാപിച്ചു. പുരസ്‌കാരങ്ങൾ ലഭിക്കുന്നവർക്ക്, പ്രവാസി സമൂഹത്തിന് വർഷങ്ങളായി നൽകിയ നിസ്തുലമായ സേവനം, വിവിധ മേഖലകളിലെ മികവ്, സാമൂഹിക പ്രതിബദ്ധത, സേവന മനോഭാവം എന്നിവയെ അടിസ്ഥാനമാക്കി തെരഞ്ഞെടുത്തതാണ്. PCWF ഒമാൻ നാഷണൽ കമ്മിറ്റിയുടെ നിർദേശപ്രകാരമാണ് പുരസ്‌കാര നിർണയ നടപടികൾ പൂർത്തിയാക്കിയത്. PCWF സലാലയുടെ പ്രസിഡന്റ് കെ. കബീർ, ചെയർമാൻ, ജനറൽ സെക്രട്ടറി മുഹമ്മദ് റാസ്, വൈസ് പ്രസിഡന്റ് അരുൺ കുമാർ, ജോയിന്റ് കൺവീനർ എന്നിവരുടെ നേതൃത്വത്തിലുള്ള കമ്മിറ്റിയാണ് ഈ നടപടികൾക്ക് നേതൃത്വം നൽകിയിരിക്കുന്നത്. ജൂറി അംഗങ്ങളായി എം. സാദിഖ്, മുസ്തഫ ബലതിയ, ശിഹാബ് മാറഞ്ചേരി, ജൈസൽ എടപ്പാൾ എന്നിവരും പ്രവർത്തിച്ചു. സലാലയിലെ പ്രവാസി സമൂഹത്തിന്റെ സാമൂഹിക, സാംസ്‌കാരിക, വിദ്യാഭ്യാസ, ജീവകാരുണ്യ, ആശുപത്രി സേവന, മാധ്യമ, വ്യവസായ, കായിക മേഖലകളിൽ ദീർഘകാലമായി മികച്ച സേവനവും മാതൃകാപരമായ പ്രവർത്തനവും കാഴ്ചവെച്ച വ്യക്തികളെയും സ്ഥാപനങ്ങളെയും ആദരിക്കുക എന്ന ലക്ഷ്യത്തോടെയാണ് ഈ പുരസ്‌കാരങ്ങൾ ഏർപ്പെടുത്തിയിരിക്കുന്നത്. വിവിധ മേഖലകളിൽ നിസ്വാർത്ഥമായി പ്രവർത്തിക്കുന്ന വ്യക്തിത്വങ്ങളെ പൊതുസമൂഹത്തിന് മുന്നിൽ ആദരിക്കുന്ന ഇത്തരം അംഗീകാരങ്ങൾ പുതിയ തലമുറയ്ക്ക് പ്രചോദനമാകുന്നതിനൊപ്പം, സാമൂഹിക പ്രതിബദ്ധതയും സേവന മനോഭാവവും കൂടുതൽ ശക്തിപ്പെടുത്തുമെന്നും വിലയിരുത്തപ്പെടുന്നു. 2027 ജനുവരി ആദ്യവാരത്തിൽ നടക്കുന്ന PCWF സലാല ചാപ്റ്ററിന്റെ എട്ടാം വാർഷികാഘോഷ വേദിയിൽ പുരസ്‌കാര ജേതാക്കളെയെല്ലാം ഉപഹാരം നൽകി ആദരിക്കുമെന്ന് സംഘാടകർ അറിയിച്ചു.