Madin's 30th Anniversary: മഅദിൻ മുപ്പതാം വാർഷികം ബിഹാറിൽ വിദ്യാഭ്യാസ-സേവന പദ്ധതികൾക്ക് തുടക്കം

മലപ്പുറം : മഅദിൻ അക്കാദമിയുടെ 30-ാം വാർഷികാഘോഷങ്ങളുടെ ഭാഗമായി രാജ്യവ്യാപകമായി വികസനപദ്ധതികൾ നടപ്പാക്കുന്നു. ഇതിന്റെ ഭാഗമായി ബിഹാറിൽ വിവിധ വിദ്യാഭ്യാസ, കാരുണ്യ, സേവന പ്രവർത്തനങ്ങൾക്ക് തുടക്കമായി. മഅദിന്റെ അന്താരാഷ്‌ട്ര, ദേശീയ വിദ്യാഭ്യാസ-സാമൂഹിക വിഭാഗമായ 'എംബ്രേസ് ഗ്ലോബലിന്റെ' നേതൃത്വത്തിലാണ് പദ്ധതികൾ നടപ്പാക്കുന്നത്. ദേശീയ പ്രചാരണ പര്യടനം നടത്തുന്ന 'ഖോജ് സഫർ: ദി ഇന്ത്യ കണക്ട്' പ്രതിനിധിസംഘത്തിന്റെ സാന്നിധ്യത്തിൽ കിഷൻഗഞ്ച് ജില്ലയിലെ ഠാക്കൂർഗഞ്ച് ബാര ജൽമിലിക് ജാമിഅ മുഹമ്മദിയ ശാഹി ഈദ്ഗാഹിൽ മഅദിൻ ബിഹാർ സെന്ററിന്റെ കുറ്റിയടിക്കൽ കർമം നടന്നു. ജാമിഅ മുഹമ്മദിയ ശാഹി ഈദ്ഗാഹ് ഡയറക്ടർ മൗലാന മുഹമ്മദ് മുസഫർ ഹുസൈൻ റിസ്‌വി അധ്യക്ഷനായി. ഖോജ് സഫർ ക്യാപ്റ്റനും എംബ്രേസ് ഡയറക്ടറുമായ സയ്യിദ് അഹ്‌മദുൽ കബീർ അൽ ബുഖാരി നേതൃത്വംനൽകി. വൈസ് ക്യാപ്റ്റൻ ബഷീർ സഅദി വയനാട്, എംബ്രേസ് ഗ്ലോബൽ സെക്രട്ടറി മുഹമ്മദ് നസീം അദനി, ഖോജ് സഫർ കൺവീനർ മുഹമ്മദ് ജുനൈദ് അദനി, എക്‌സിക്യുട്ടീവ് അഫ്സൽ അദനി കുഴിയംപറമ്പ്, ആശിഖ് അദനി പറമ്പിൽപീടിക, ഹാഫിള് മൗലാന നൗഷാദ് അലി റിസ്‌വി എന്നിവർ പ്രസംഗിച്ചു.