Controversy in Australian Cricket: ആഷ്ലി ഗാർഡ്നറിനെതിരെ മോണിക്ക റൈറ്റ് ആരോപണം ഉയർത്തി

ബ്രിട്ടീഷ് മാധ്യമമായ ഡെയ്ലി മെയിൽ, ആഷ്ലി ഗാർഡ്നറുടെയും മോണിക്ക റൈറ്റിന്റെയും വിവാഹ ബന്ധം തകർന്നതായി ആദ്യമായി റിപ്പോർട്ട് ചെയ്തിരുന്നു. മറ്റൊരു കളിക്കാരിയുമായുള്ള ബന്ധത്തെക്കുറിച്ച് റിപ്പോർട്ട് ചെയ്തതോടെ, ആഷ്ലിയുടെ ദാമ്പത്യം തകർച്ചയിലാണെന്നായിരുന്നു അവിടെ പറയുന്നത്. എന്നാൽ, ഈ റിപ്പോർട്ടിൽ സഹതാരന്റെ പേര് വ്യക്തമാക്കപ്പെട്ടിരുന്നില്ല. എന്നാൽ, ഈ റിപ്പോർട്ട് പുറത്തുവന്ന മണിക്കൂറുകൾക്കുള്ളിൽ, മോണിക്ക റൈറ്റ് തന്റെ ഇൻസ്റ്റാഗ്രാമിൽ ഒരു പോസ്റ്റ് വഴി ജോർജിയ വോളിന്റെ ചിത്രം പങ്കുവെച്ച്, 'ഇവർക്കൊപ്പമാണ് എന്റെ പങ്കാളി എന്നെ വഞ്ചിച്ചത്' എന്ന് കുറിച്ചു. ഡെയ്ലി മെയിൽ റിപ്പോർട്ട് തികച്ചും അവ്യക്തമാണെന്ന് മോണിക്ക വ്യക്തമാക്കുകയും, തന്റെ പങ്കാളി ജോർജിയ വോളുമായാണ് തന്നെ ചതിച്ചതെന്ന് പരസ്യമായി തുറന്നടിക്കുകയും ചെയ്തു. കഴിഞ്ഞ വർഷം ഏപ്രിലിലാണ് ആഷ്ലിയും മോണിക്കയും വിവാഹിതരായത്. നാലു വർഷം നീണ്ട പ്രണയത്തിനൊടുവിലായിരുന്നു വിവാഹം. അടുത്ത സുഹൃത്തുക്കളും കുടുംബവും ക്രിക്കറ്റ് താരങ്ങളും വിവാഹച്ചടങ്ങിൽ പങ്കെടുത്തിരുന്നു. ഇരുവരും 2021 മുതൽ പ്രണയത്തിലായിരുന്നു എന്ന് അന്നത്തെ റിപ്പോർട്ടുകൾ വ്യക്തമാക്കുന്നു.