Amazon Great Freedom Sale Begins: ആമസോൺ ഗ്രേറ്റ് ഫ്രീഡം സെയിൽ തുടങ്ങി! സാംസങ്ങ് മുതൽ ഷവോമി വരെ വമ്പൻ ഓഫറുകൾ

ആമസോണിന്റെ ഗ്രേറ്റ് ഫ്രീഡം സെയിൽ 2026 ആരംഭിച്ചു. ഈ സെയിലിൽ സ്‍മാർട്ട്ഫോണുകൾ, ഇലക്ട്രോണിക് ഉപകരണങ്ങൾ, ഗൃഹോപകരണങ്ങൾ, ഫാഷൻ ഉൽപ്പന്നങ്ങൾ എന്നിവയുള്‍പ്പെടെയുള്ള നിരവധി വിഭാഗങ്ങളിൽ ആകർഷകമായ ഓഫറുകൾ ലഭ്യമാണ്. പ്രീമിയം സ്‍മാർട്ട്ഫോണുകൾ വാങ്ങാൻ ആഗ്രഹിക്കുന്നവർക്ക് മികച്ച വിലക്കിഴിവുകൾ ലഭിക്കുന്നതാണ് ഈ സെയിലിന്റെ പ്രധാന ആകർഷണം. സാംസങ് ഗാലക്‌സി എസ്25 അൾട്രാ 5ജി, 6.9 ഇഞ്ച് അമോലെഡ് ഡിസ്പ്ലേ, 120Hz റിഫ്രഷ് റേറ്റ്, ക്വാൽകോം സ്നാപ്ഡ്രാഗൺ 8 എലൈറ്റ് പ്രോസസർ എന്നിവയുമായി എത്തുന്നു. 5,000mAh ബാറ്ററി, 45W ഫാസ്റ്റ് ചാർജിങ്, 200 മെഗാപിക്സൽ പ്രധാന ക്യാമറ, 50 മെഗാപിക്സൽ അൾട്രാവൈഡ്, 50 മെഗാപിക്സൽ പെരിസ്‌കോപ്പ് ലെൻസ്, 10 മെഗാപിക്സൽ ടെലിഫോട്ടോ ക്യാമറ എന്നിവയുണ്ട്. 12 മെഗാപിക്സൽ സെൽഫി ക്യാമറയും ലഭ്യമാണ്. ഈ ഫോൺ 89,999 രൂപയിൽ സ്വന്തമാക്കാം.

ഐക്യൂഒഒ 15ന്‍റെ 6.85 ഇഞ്ച് എൽടിപിഒ ഒഎൽഇഡി ഡിസ്പ്ലേ, 144Hz റിഫ്രഷ് റേറ്റ്, ഡോൾബി വിഷൻ പിന്തുണ എന്നിവയാണ് പ്രധാന സവിശേഷതകൾ. സ്‌നാപ്ഡ്രാഗൺ 8 എലൈറ്റ് ജനറേഷൻ 5 പ്രോസസർ, 7,000mAh ബാറ്ററി, 100W ഫാസ്റ്റ് ചാർജിങ് എന്നിവയും ഇതിൽ ഉൾപ്പെടുന്നു. 50 മെഗാപിക്സൽ വീതമുള്ള മൂന്ന് പിൻ ക്യാമറകളാണ് ഇതിൽ നൽകിയിരിക്കുന്നത്. സോണി ഐഎംഎക്‌സ്921 പ്രധാന സെൻസർ, 3 മടങ്ങ് പെരിസ്‌കോപ്പ് ടെലിഫോട്ടോ ലെൻസ്, അൾട്രാവൈഡ് ക്യാമറ എന്നിവയാണ്. 32 മെഗാപിക്സൽ മുൻവശത്തെ ക്യാമറയും ഇതിൽ ഉണ്ട്. ഈ ഫോൺ 68,999 രൂപയ്ക്ക് ലഭ്യമാണ്.