Historic Achievement by Haritha Karma Sena:കഴിഞ്ഞ സാമ്പത്തിക വര്ഷം 36107 മെട്രിക് ടണ് അജൈവ മാലിന്യം ശേഖരിച്ചത്
തിരുവനന്തപുരം: സംസ്ഥാനത്തെ മാലിന്യമുക്തമാക്കുന്ന പ്രവര്ത്തനങ്ങളില് കുടുംബശ്രീ ഹരിതകര്മ സേനയുടെ ശ്രദ്ധേയ മുന്നേറ്റം കാണാനുണ്ട്. കഴിഞ്ഞ സാമ്പത്തിക വര്ഷം 86295
തിരുവനന്തപുരം: സംസ്ഥാനത്തെ മാലിന്യമുക്തമാക്കുന്ന പ്രവര്ത്തനങ്ങളില് കുടുംബശ്രീ ഹരിതകര്മ സേനയുടെ ശ്രദ്ധേയ മുന്നേറ്റം കാണാനുണ്ട്. കഴിഞ്ഞ സാമ്പത്തിക വര്ഷം 86295.723 മെട്രിക് ടണ് അജൈവ മാലിന്യം ശേഖരിച്ച് ക്ളീന് കേരള കമ്പനിക്ക് കൈമാറിയതിലൂടെ കേരളത്തിലെ ശുചിത്വ പ്രവര്ത്തനങ്ങള്ക്ക് ഹരിതകര്മ സേന വലിയ കരുത്ത് നല്കി. 2024-25 സാമ്പത്തിക വര്ഷത്തില് 50190 മെട്രിക് ടണ് മാലിന്യം ശേഖരിച്ചിട്ടുണ്ടെങ്കിലും, 2025-26 സാമ്പത്തിക വര്ഷത്തില് 36106.723 മെട്രിക് ടണ് മാലിന്യം കൂടുതല് ശേഖരിക്കപ്പെട്ടതായി റിപ്പോര്ട്ട് ചെയ്യുന്നു. ഈ നേട്ടം, സംസ്ഥാനത്ത് 4438 യൂണിറ്റുകളില് പ്രവര്ത്തിക്കുന്ന 37481 വനിതകളുടെ കൂട്ടായ പരിശ്രമത്തിന്റെ ഫലമാണ്. ജലാശയങ്ങളിലേക്കും പൊതു നിരത്തുകളിലേക്കും വലിച്ചെറിയപ്പെടാന് സാധ്യതയുള്ള അജൈവ മാലിന്യങ്ങള് ഇവര് ശേഖരിച്ച് ശാസ്ത്രീയമായി സംസ്ക്കരണത്തിനായി കൈമാറുന്നു. മാലിന്യസംസ്കരണത്തിലും പൊതുജനാരോഗ്യ പരിപാലനത്തിലും ഹരിതകര്മ സേന നിര്ണായക പങ്ക് വഹിക്കുന്നു. തരംതരിച്ച മാലിന്യം ക്ലീന് കേരള കമ്പനിക്ക് കൈമാറിയതിലൂടെ 11.49 കോടി രൂപയാണ് ഹരിതകര്മ സേനയ്ക്ക് ലഭിച്ച വരുമാനം.
മാലിന്യ ശേഖരണവും സംസ്ക്കരണവും മികച്ച രീതിയില് നടത്തുന്ന യൂണിറ്റുകള്ക്ക് ലഭിക്കുന്ന ഉയര്ന്ന വരുമാനം കൂടുതല് വനിതകളെ ഈ രംഗത്തേക്ക് ആകര്ഷിക്കുന്നുണ്ട്. ഹരിതകര്മ സേനയുടെ പ്രവര്ത്തനങ്ങളുമായി ബന്ധപ്പെട്ട് നാനൂറിലേറെ സൂക്ഷ്മസംരംഭങ്ങളും നിലവിലുണ്ട്. സംസ്ഥാനത്തെ രൂക്ഷമായ മാലിന്യ പ്രശ്നത്തിന് വികേന്ദ്രീകൃതമായ പരിഹാരം കാണുന്നതിന് രൂപീകരിച്ച സംവിധാനമാണ് ഹരിതകര്മ സേന. മാലിന്യത്തെ വരുമാനമാക്കി മാറ്റുക എന്ന ലക്ഷ്യത്തോടെയാണ് ഹരിതകര്മ സേനയുടെ രൂപീകരണം. ഈ സംരംഭം, സാമൂഹ്യ-ആരോഗ്യ പരിപാലനത്തിനും പരിസ്ഥിതിയുടെ ശുചിത്വത്തിനും വലിയ സംഭാവന നല്കുന്നു. ഹരിതകര്മ സേനയുടെ പ്രവര്ത്തനങ്ങള് കേരളത്തിലെ മാലിന്യശേഖരണത്തിനും സംസ്ക്കരണത്തിനും പുതിയ മാതൃകയായി മാറിയിരിക്കുന്നു.
