Chris Gayle to Kerala: ക്രിസ് ഗെയ്ൽ കേരളത്തിലേക്ക്; കൊച്ചി ബ്ലൂ ടൈഗേഴ്സിന്റെ മത്സരം കാണാൻ എത്തും

ലണ്ടനിൽ നിന്നുള്ള വാർത്ത: കേരള ക്രിക്കറ്റ് ലീഗിന്റെ (കെസിഎൽ) മൂന്നാം സീസണിൽ, കൊച്ചി ബ്ലൂ ടൈഗേഴ്സിന്റെ പിന്തുണയ്ക്കായി ക്രിക്കറ്റ് ലോകത്തിലെ പ്രശസ്തനായ ക്രിസ് ഗെയ്ൽ കേരളത്തിലെത്തുന്നു. ബ്ലൂ ടൈഗേഴ്സ് ഗ്ലോബലിന്റെ സഹഉടമയും, ക്രിക്കറ്റ് ഇതിഹാസവുമായ ഗെയ്ൽ തന്റെ ഔദ്യോഗിക സോഷ്യൽ മീഡിയ പ്ലാറ്റ്‌ഫോമിലൂടെ ഈ വിവരം ആരാധകരുമായി പങ്കുവച്ചു. 'യൂണിവേഴ്സ് ബോസ്' എന്ന പേരിൽ അറിയപ്പെടുന്ന ഗെയ്ൽ, തന്റെ ആരാധകരെ സ്റ്റേഡിയത്തിൽ എത്തി, ടീമിനെ പിന്തുണയ്ക്കാൻ ആഹ്വാനം ചെയ്തു. കൊച്ചി ബ്ലൂ ടൈഗേഴ്സിന്റെ ക്യാപ്റ്റനായി സാലി സാംസണും, വൈസ് ക്യാപ്റ്റനായി ബേസിൽ തമ്പിയെയും ഗെയ്ൽ തന്നെ മുമ്പ് പ്രഖ്യാപിച്ചിരുന്നു.

ഗെയ്ൽ കേരളത്തിലെ ക്രിക്കറ്റ് ആരാധകർക്കും, കൊച്ചി ബ്ലൂ ടൈഗേഴ്സിനും ഒരു അഭിമാനകരമായ സന്ദർശനമായിരിക്കുമെന്ന് ടീം ഉടമ സുഭാഷ് മാനുവൽ പറഞ്ഞു.